सिन्धुली, भदौ २८ – कमलामाई नगरपालिका–५ स्थित जिल्ला कारागार सिन्धुलीबाट फरार भएका कैदी तथा थुनुवामध्ये २ सय १६ जनालाई पक्राउ गरिएको छ।
गत बुधबार कारागारमा रहेका ४ सय २८ पुरुष र ४३ महिला कैदी–थुनुवाले ढुंगामुढा गर्दै तोडफोड तथा आगजनी गरेर फरार भएका थिए। सो घटनापछि सुरक्षाकर्मी र स्थानीयको सहयोगमा ठूलो संख्यामा फरारलाई नियन्त्रणमा लिन सफल भएको जिल्ला प्रहरी कार्यालय सिन्धुलीले जनाएको छ।
प्रहरी नायव उपरीक्षक सूर्य प्रकाश सुवेदीका अनुसार शनिबार बेलुकीसम्म अन्य विभिन्न ठाउँबाट पक्राउ परेकासहित हालसम्म २ सय ३४ जना पुनः नियन्त्रणमा आएका छन्। उनले बाँकी फरार कैदी–थुनुवाको खोजीकार्य तीव्र पारिएको जानकारी दिएका छन्।
