सिन्धुली टाईम्स, सिन्धुली । रूपान्तरण जीवनोपयोगी सीप तथा आत्मरक्षा प्रशिक्षक प्रशिक्षण तालिम सिन्धुलीमा सम्पन्न भएको छ । तलिम रिलिफ नेपाल सिन्धुली र वर्ल्ड भिजन इन्टरनेसनल नेपालको आर्थिक तथा प्राविधिक सहयोगमा तालिम संचालन भएको हो ।
एकीकृत संरक्षण तथा समुदायसंगग्नता परियोजना अन्तर्गत रूपान्तरण जीवन उपयोगी सीप तथा कक्षा सञ्चालनको लागि तालिम आयोजना गरिएको आयोजकले जनाएको छ ।
रिलिफ नेपाल सिन्धुलीका अध्यक्ष दुर्गाराज पौडेलको अध्यक्षतामा १० दिन सम्म संचालन गरिएको तालिमको एक औपचारिक कार्यक्रम गरि आज समापन गरिएको हो । कार्यक्रमको अवसरमा रिलिफ नेपाल सिन्धुलीका अध्यक्ष दुर्गाराज पौडेलले तालिम बाट सिकेका, बुझेका कुराहरु आफ्नो अधिकारको बारेमा पहिचान गरेर स्थानीय सरकार तथा वडाहरूसँग समन्वय गरेर काम गर्नका लागि अनुरोध गर्नुभएको छ ।
तालिममा सहभागी किशोर किशोरीहरू समुदायको प्रतिनिधि पात्र भएकोले आफूले जानेको कुरा गाउँँगाउँमा गएर सकारात्मक सन्देश दिने र २४ हप्तासम्म आफूले सिकेका कुरा गाउँका अरु भाइबहिनीहरूलाई सिकाउनको लागि कक्षा सञ्चालन गर्ने पौडेलले बताए ।
तालिममा तीनपाटन गाउँपालिकाको ४,५,६,७,८ १० र ११ को गरि जम्मा १४ जना गोलन्जोर गाउँपालिकाको १,२,३,४,६ को गरि १० जना र फिक्कल गाउपालिका को २,३,४,५ को गरि ८ जना गरी जम्मा ३२ जनाकिशोर किशोरीको सहभागीतामा तालिम संचालन भएको हो ।
१० दिनसम्म सञ्चालन भएको रूपान्तरण तालिम लिएपछि उनीहरूले आफ्नो समुदायको ११ देखि १८ वर्ष उमेर समूहको किशोर किशोरी तथा बालबालिकाहरूलाई जम्मा गरी रूपान्तरण जीवन उपयोगी सीप तथा आत्मरक्षाको कक्षा सञ्चालन गर्नेछन् ।
कक्षा सञ्चालनका लागि आवश्यक स्टेशनरी सामग्री सम्बन्धित गाउँपालिकाले उपलब्ध गराउने छ भने तालिम अवधिभर गाउँपालिकाले अनुगमन तथा पृष्ठपोषण प्रदान गर्ने छन् ।
१० दिनसम्म रूपान्तरण तालिम पूर्व रुपान्तरण साथी सहजकर्ताले तारा सुनुवारले सहजीकरण गरेको रिलिफ नेपालमा सिन्धुलीमा कार्यरत अनिल सार्किले जानकारी दिनु भयो ।
