सिन्धुली टाईम्स, सिन्धुली । प्रारम्भिक बालविकास सम्बन्धि अभिभावक शिक्षा तालिम सिन्धुलीमाढीमा सम्पन्न भएको छ । कमलामाई नगरपालिका, सुनकोशी गाउँपालिका र गोलन्जोर गाउँपालिकाका स्वास्थ्य कर्मीहरुको सहभागीतामा गत मंसिर २ गते देखी सुरु भएको तालिम मंसिर ६ गते विहिवार सम्पन्न भएको हो ।
गर्भावस्थादेखि आठ वर्षसम्मको उमेर बालबालिकाको शारीरिक, बौद्धिक, भाषिक, सामाजिक, संवेगात्मक र साँस्कृतिक पक्षको विकास गरी अन्तर निहित प्रतिभा प्रस्फुटन गराउने दृष्टिले अत्यन्तै महत्वपूर्ण अवस्था हो । यसै अवस्थामा बालबालिकाको मस्तिष्क निर्माण र बौद्घिक विकास तीव्र गतीमा हुने भएकोले यो अवस्था मानव विकासको जग निर्माण हुने अत्यन्त संवेदनशील र महत्वपूर्ण अवस्था हो । प्रारम्भिक बालविकास अभिभावक शिक्षा सम्बन्धि स्वास्थ्यकर्मीहरुलाई जानकारी दिई समुदाय स्तरमा अभिभावक शिक्षा कार्यक्रम संचालन गर्न सहयोग गर्ने उदेश्यले तालीम संचालन गरीएको थियो ।
तालिममा सहभागीहरुले प्रारम्भिक बाल विकास र अभिभावक शिक्षा कार्यक्रम संचालन प्रक्रिया बारे छलफल गरी समुदायका अभिभावकहरुलाई जानकारी गराउन सक्ने भएका छन् । यस तालिम पश्चात सहभागीहरुले सम्बन्धित स्वास्थ्य संस्थाका महिला स्वास्थ्य स्वयमसेविकाहरुलाई प्रारम्भिक बाल विकास बारे अनुक्रमिक तालिम संचालन गर्ने छन र अभिभावक शिक्षा समुह बैठकको अनुगमन गरी अभिभावहरुलाई बालबालीकाको उचित स्याहार बारे छलफल गराउन समेत सहयोग गर्नेछन् ।
अघिल्लो वर्षहरुमा कमलामाई नगरपालिका, मरिण गाउँपालिका र दुधौली नगरपालिकामा प्रारम्भिक बाल विकास अभिभावक शिक्षा कार्यक्रम संचालन भई सकेको र कार्यक्रमले अभिभावकहरुमा सकारात्म परिवर्तन ल्याउनुका साथै स्वास्थ्य कार्यक्रमका सुचकहरु पुरा गर्न थप सहयोग पुगेकोले यस वर्ष देखी अन्य पालिका र वडाहरुमा कार्यक्रम थप गरीएको हो ।
प्लान इन्टनरनेशन नेपालको साझेदारीमा मानव तथा राष्टिय विकास समाज र जनताती समाज विकास कार्यक्रमको आयोजनामा गल्स स्टेण्डिङ स्ट्रोङ परियोजना अन्तर्गत यस तालिमको आयोजना गरीएको थियो भने तालिलमा कमलामाई नगरपालिका, सुनकोशी गाउँपालिका र गोलन्जोर गाँउपालिकाका गरी १८ जना स्वास्थ्य कर्मचारीहरुको सहभागीता रहेको थियो ।
