सिन्धुलीमा सामाजिक जवाफदेहिता, अधिकारमुखी विकास अवधारणा र स्थानिय तहको योजना तर्जुमा प्रक्रिया सम्वन्धि ४ दिने तालिम सुरु भएको छ । प्लान ईन्टरनेशनल नेपालको आयोजना तथा ह्यान्ड्स नेपाल सिन्धुलीको साझेदारीमा युवा संलग्नता द्वारा स्थानिय तहको जवाफदेहिता अभिवृद्धि (SLAS) परियोजना अन्तर्गत ४ दिने तालिम संचालन गरिएको हो ।
तालिममा १६ देखि २४ वर्षका युवाहरुको सहभागीतामा रहेको छ । ४ दिनसम्म संचालन हुने तालिमको सहजिकरण विनोद धौलागिरीले गर्नुहुनेछ भने सामाजिक जवाफदेहिता, अधिकारमुखी विकास अवधारणा र स्थानिय तहको योजना तर्जुमा प्रक्रिया सम्वन्धि कार्यक्रमको कोअडिनेटर रोशन तिम्लसिनाले सहयोग गर्नुहुने छ ।
युवाहरूको सहभागितामूलक स्थानीय योजना प्रक्रिया, बजेट निर्माण र स्थानीय सरकारको वार्षिक योजनाहरूको विश्लेषणमा केन्द्रित गर्नु रहेको छ । तालिमले युवाहरूलाई अधिकारको प्रावधान, सामाजिक उत्तरदायित्व र सात चरणको योजना प्रक्रिया लगायत अधिकारमा आधारित दृष्टिकोणको विस्तृत ज्ञान प्रदान गर्नेछ । तालिमको अन्त्यमा, सहभागीहरूलाई युवा नागरिक अंकपत्र (YCSC) सँग सम्बन्धित सार्वजनिक सरोकारहरूलाई प्रभावकारी रूपमा पहिचान गर्न र सम्बोधन गर्न आवश्यक सीपहरू प्रदान गरिनेछ । तलिम पश्चात तालिम प्राप्त युवा स्वयंसेवकहरुले आफ्नो समुदायमा विद्यालय र स्वास्थ्य चौकिमा युवा नागरिक अंकपत्र द्वारा सामाजिक जवाफदेहिता अभिवृद्धिका निम्ति पहल गर्ने उद्देश्यले कार्यक्रमको आयोजना गरिएको आयोजकले जनाएको छ ।
वडा कार्यालय र विद्यालयको समन्वयमा कमलामाई नगरपालिका वडा न १, ५, ६, ९, १३, १४ बाट ५, ५ जना र २, ४, ८, १०, १२ बाट ६, ६ जना र दुधौली नगरपालिका ३ र ६ बाट ६, ६ जना गरि ६६ जना युवाहरुको सहभागीता रहेको छ ।
