सिन्धुली । विश्व आत्माहत्या रोकथाम दिवसको अवसरमा सिन्धुलीमाढीमा अभिमुखीकरण तथा अन्तरक्रिय कार्यक्रमको आयोजना गरिएको छ । जनस्वास्थ्य कार्यालय सिन्धुलीको आयोजनामा ‘आत्महत्या रोकथामबारे संवाद शुरु गरौँ, दृष्टिकोण बदलौँ’ भन्ने नारा सहित आत्माहत्या रोकथाम तथा न्यूनिकरण सम्बन्धी पत्रकार तथा सरोकारवाला हरुसंग अन्तरक्रिया गरिएको हो ।
कार्यक्रममा आत्महत्याको कारण, संकेत, आत्महत्याको सम्भावित लक्ष्यण, आत्महत्याको अवस्था, आत्महत्याको रोकथामको प्रयासहरु, रोकथाममा समस्या र चुनोतीहरु ल्गायतके बिषयमा सिन्धुली अस्पतालकी मेडिकल अधिकृत डाक्टर अर्पणा कार्कीले प्रस्तुतिकरण राख्नुभएको थियो ।
विश्वभर अत्महत्याको घटना बिद्यमान रुपमा भएकाले आत्महत्या गर्नेमा नेपाल विश्वभरमा ७ औं स्थानमा रहेको उहाँले बताउनुभयो । नेपालमा सबैभन्दा धेरै आत्महत्या हुने पहिलो जिल्ला इलाम र दोस्रोमा सिन्धुली रहेको छ ।
सिन्धुलीमा गएको आर्थिक बर्ष २०८०÷८१ मा ८१ जनाले आत्महत्या गरेका छन् । कार्यक्रममा एकद्धार संकट ब्यवस्थापन केन्द्र ओसिएमसी सिन्धुलीकी घटना ब्यवस्थापक सुनिता शर्माले ओसिएमसीमा आउने हिंसाका घटनाको प्रकार ओसिएमसि बाट प्रवाह हुने सेवा लगायतको बिषयमा जाकारी गराउनुभएको छ ।
आत्महत्या गर्ने सोच बनाएका व्यक्तिले सङ्केत मार्फत् पूर्व जानकारी दिने हुनाले परिवार वा नजिकका आफन्त तथा साथीले ध्यान दिएर बेलैमा सावधानी अपनाएमा आत्महत्याको जोखिम टार्न सकिने बताइएको छ ।
आत्महत्या गर्ने ९० प्रतिशत मानीस मानसिक स्वास्थ्यको कारण आत्महत्या गर्ने गरेको तथ्यांकले देखाएको छ । मनोपरामर्श र उपचार गर्यो भने रोग मानसिक रोग ठीक हुने र आत्महत्या पनि रोक्न सकिने डाक्टरका भनाइ छ ।
सामुहिक तस्विर
