अविरल बर्षाको कारण मदन भण्डारी राजमार्ग अन्तर्गत सिन्धुलीको हरिहरपुरगढी गाउँपालिका ४ को हाकपारामा पहिरो खस्दा सडक अवरुद्ध बनेको छ । लेदो र ढुङ्गा सहितको करिब ५०–६० मिटर लामो पहिरो खसेकाले सडक अवरुद्ध भएको हो ।
हिजो देखि निरन्तर परेको पानीको कारण माथीबाट पहिरो खसी बिहानै देखि सडक अवरुद्ध भएको हरिहरपुरगढी गाउँपालिका ४ का वडा अध्यक्ष कमल कुमार राईले जानकारी दिनुभयो ।
हरिहरपुरगढी गाउँपालिकाको सहयोगमा सानो मेशिनले पहिरो हटाउन प्रयास गरिएपनि नसकिएको र चितवन बाट मगाइएको स्काभेटर आउदै गरेकाले सडक खुलाउन नसकिएको उहाँले बताउनुभयो । बिहानै देखि सडक अवरुद्ध बनेपछि सवारी साधन हरु अलपत्र परेको उहाँको भनाई छ ।
