सिन्धुली, साउन ३२, २०८१ शुक्रबार । शिद्धबाबा प्लस टु म्यानेजमेन्ट/सिन्धुली गुरुकुल कलेजमा अध्ययनरत कक्षा ११ सेक्सन बि का युवा विद्यार्थीहरुले आज नवज्योति बहिरा माध्यमिक विद्यालयको अध्ययन अवलोकन भ्रमण गरेको छ । शिद्धबाबा प्लस टु म्यानेजमेन्टमा अध्ययनरत विद्यार्थीहरुले समाजमा छरिएर रहेका बहिरा अपाङ्गता भएका बालबालिकाहरुको शिक्षा प्रति चासो राख्दै विद्यालयले गरेको कार्यको नजिकबाट अवलोकन र अध्ययन गर्न विद्यालय परिसरमा भ्रमण गरेको हो ।
विद्यालयको शैक्षिक गतिविधि र विद्यालयले प्रदान गर्दै आईरहेको अन्य सेवाको प्रत्यक्ष अवलोकन गरेका छन् । विद्यालयले गरेको शैक्षिक सँगै सामाजिक एवम् मानवीय कार्य प्रति शिद्धबाबा प्लस टु म्यानेजमेन्टका युवा विद्यार्थीहरुले उच्च सम्मान प्रकट गर्दै सामाजिक र मानविय हितार्थ सदैव अगाडि उभिएर कार्य गर्न सम्पूर्ण युवाहरुलाई आव्हान समेत गरेका छन् । युवा विद्यार्थीहरुले उक्त विद्यालयको छात्राबासमा बसी अध्ययन गर्ने विद्यार्थीहरुका लागि विद्यार्थीहरुकै योगदानमा सामाजिक भावनाले प्रेरित भई खाद्यान्न सामाग्री समेत सहयोग गरेका छन् ।
युवा समृद्धिका मेरुदण्ड र परिवर्तनका संवाहक, युवा सँग समाज, देश र विश्वनै परिवर्तन गर्न सक्ने सामथ्र्य भएकोले युवाका अनेकन उपनामहरु छन् र युवा सँग कुनै पनी कार्य गर्ने शैलि फरक, रोचक र मौलिक हुन सक्ने भएकोले युवाको नेतृत्वमा देश परिवर्तन गर्न सक्ने नवज्योति बहिरा माध्यमिक विद्यालयका प्रधानाध्यापक बिजय तामाङले बताउनु भयो ।
नवज्योति बहिरा माध्यमिक विद्यालय २०६० सालमा स्थापना भएको हो । विद्यालयमा अहिले विभिन्न पालिका, जिल्ला, प्रदेशबाट गरि २२३ जना विद्यार्थीहरु अध्ययनरत छन् । विद्यालयमा बोल्न नसक्ने, सुन्न नसक्ने विद्यार्थीले सहज तथा सरल रुपमा विद्यालयमा अध्यापन गरेकोे छ । अपाङ्गता भएका विद्यार्थीहरुको लागि खाना बनाउने, सिलाई बुनाई, हेयर कटिङ जस्ता सिपमूलक कामहरु सिक्न सहज हुने व्यव्स्था तथा छात्रबासको समेतको व्यवस्था रहेको छ ।
