नेपाल आदिबासी जनजाती पत्रकार महासंघ फोनिज बाग्मती समितीको २५ औ स्थापना दिबस सिन्धुलीमाढीमा मनाइएको छ । फोनिज बागमती प्रदेशका अध्यक्ष युवराज श्रेष्ठको अध्यक्षता तथा बागमती प्रदेश सरकारकी उद्योग, वाणिज्य, भूमि तथा प्रशासन मन्त्री सुकमाया तामाङको प्रमुख आतिथ्यतामा २५ औं स्थापना दिवस मनाइएको हो ।
फोनिज बागमती प्रदेश समितिको प्रकाशन विभाग प्रमुखसमेत रहनुभएका प्रधानसम्पादक श्रेष्ठ लामो समयदेखि पत्रकारितासँगै फोनिजको अभियानमा सक्रिय हुनुहुन्छ । उहाँले फोनिज सिन्धुली जिल्ला कार्यसमितिमा दुई कार्यकाल अध्यक्षको जिम्मेवारीमा काम गरिसक्नुभएको छ । २०६२ सालमा फोनिजसँग जोडिनुभएका उहाँ २०६४ मा सिन्धुली जिल्ला कार्यसमिति सदस्य, २०६७ मा उपाध्यक्ष र २०७४ देखि २०७८ सम्म अध्यक्ष रहनुभएको थियो ।
दिबसको अबसरमा सिन्धुली खबर डटकमका प्रधान सम्पादक नविन श्रेष्ठ सम्मानित हुनुभएको छ । फोनिज बागमती प्रदेश समितिले लामो समय देखि सिन्धुलीमा रहेर पत्रकारितामा क्रियाशील श्रेष्ठले प्रदेशमा फोनिजको अभियान सशक्त बनाउन खेल्नुभएको भूमिकाको उच्च कदर गर्दै सम्मान गरिएको हो । श्रेष्ठलाई ५ हजार ५०० रुपैयाँ सहित सम्मान गरिएको हो । कार्यक्रमका प्रमुख अतिथि बागमती प्रदेश सरकारकी उद्योग, वाणिज्य, भूमि तथा प्रशासनमन्त्री सुकमाया तामाङले सम्मानपत्र र नगद पुरस्कार प्रदान गर्नुभएको थियो ।
कार्यक्रमको अबसरमा बागमती प्रदेश सरकारकी उद्योग, वाणिज्य, भूमि तथा प्रशासनमन्त्री सुकमाया तामाङले आदिबासी जनजाती पत्रकार महासंघले जनजातीहरुको हकमा धेरै अघिकारहरु स्थापित गर्न सफल भएको बताउनुभएको छ । एकात्मक राज्य प्रणालिले बिभिन्न जातका आधारमा विभिन्न भेषभूसा धर्मको आधारमा बिभिन्न कालखण्डमा जनजातीका अधिकारहरु खोसीए पनी त्यस्लाई बिस्थापित गर्दै अधिकार स्थापना गर्न सफल भएको उहाँको भनाई छ ।
जिल्ला देखि प्रदेश सम्म फोनिजको संगठन विस्तार र संस्थागत कार्यक्रमहरु सफल बनाउन उहाँले योगदान गर्दै आउनुभएको छ । सोही योगदानको मूल्यांकन गर्दै २५ औं स्थापना दिवसको अवसरमा सम्मान गरिएको हो ।
