सिन्धुली, साउन २५, २०८१ शुक्राबार । सिन्धुलीमा पिकअप बोलेरो र मोटरसाइकल एकआपसमा ठक्कर खाई दुर्घटना हुदाँ एक जनाको मृत्यु भएको छ । दुर्घटनामा परि मोटरसाइकल चालक सर्लाही चक्रघण्टा गाउँपालिका वडा नं.–२ का ३५ वर्षिय गणेश रायको मृत्यु भएको हो ।
बिहिबार विपि राजमार्ग अन्र्तगत सिन्धुलीको सुनकोशी गाउँपालिका १ बलुवामा काठमाडौँ बाट सिन्धुली तर्फ आउँदै प्रदेश २–०२–००१ च–०४८७ नम्बरको पिकअप बोलेरो र सिन्धुली बाट काठमाण्डौ तर्फ जादै गरेको प्रदेश २–०३–००६ प –३७५५ नम्बरकोे मोटरसाइकल एकआपसमा ठक्कर खाई दुर्घटना हुदाँ मोटरसाइकल चालक राय र मोटरसाइकल पछाडी सवार सर्लाही चक्रघण्टा गाउँपालिका –५ का ३३ वर्षिय धिरेन्द्र ठाकुर घाईते भएका थिए । रायको धुलीखेल अस्पतालमा उपचारका क्रममा ज्यान गएको जिल्ला प्रहरी कार्यालय सिन्धुलीले जनाएको छ ।
घाईते ठाकुरको धुलीखेल अस्पतालमा उपचार भइरहेको छ । पिकअप चालक महोतरी बर्दिबास नगरपालिका –२ का २२ वर्षिय आर्यन भट्टराईलाई प्रहरीले निन्त्रणमा लिएको छ । पिकअप गाडि मोटरसाइकल सहित चालकलाई नियन्त्रणमा लिएको जिल्ला प्रहरी कार्यालय सिन्धुलीले जानकारी दिएको छ ।
