सरोज श्रेष्ठ
सिन्धुली सुनचाँदी व्यवसायी संघ सिन्धुलीले २८ दिन देखि निरन्तर रूपमा शान्तीपुर्ण विरोध गरी प्रर्दशन गर्दे आएको छ ।
आर्थिक वर्ष २०८२ / ८३ को बजेटबाट सरकारले सुनको गरगहनामा अनिवार्य दुई प्रतिशत विलासी कर र हिराका गरगहनामा १३ प्रतिशत भ्याट अनिवार्य गरेकाले उक्त संघले विरोध गरी प्रर्दशन गरर्दे आएको हो ।
जस कारण जेठ १३ गते देखी सिन्धुलीमाढीका सुनचाँदी पसलहरु बन्द भएका छन् । सुनको गरगहनामा अनिवार्य दुई प्रतिशत विलासी कर र हिराका गरगहनामा १३ प्रतिशत भ्याट अनिवाय गर्दा व्यापारी देखी ग्राहाकहरु समेत मार्कामा परेका सुनचाँदी ब्यवसायी संघ सिन्धुलीका पुर्व अध्यक्ष तथा केन्द्रीय सदस्य नरेन्द्र बिश्वकर्माल बताउनुभयो ।
विलासी कर र हिराका गरगहनामा १३ प्रतिशत भ्याट लगाएकाले जिल्लका १५० भन्दा धेरै कालिगढहरुको रोजगार खोसीएको केन्द्रीय सदस्य बिश्वकर्माले बताउनुभयो ।
जस अन्तरर्गत आज सुनचाँदी व्यवसायीहरु र कालिगढहरुले जिल्ला प्रशासन कार्यालय सिन्धुली ,करदाता सेवा कार्यालयमा शान्तिपूर्ण विरोध गर्दे करदाता कार्यालयका कार्यालय प्रमुख मनोज कुमार न्यौपानेलाई ज्ञापन पत्र बुझाएको छ ।
संविधानमा सुनलाई चल सम्पतिको रूपमा उल्लेख गरिएको भएपनि सरकारले विलासी कर लगाएर सुनचाँदी व्यवसायीहरुको अधिकार माथि हस्तक्षेप गरेको भन्दै व्यवसायीहरुले आपत्ति जनाएका छन् । भारतमा सुनको भन्सार दर ६ प्रतिशत रहेपनि नेपाल १० प्रतिशतभन्सार दर रहेको छ ।
आफ्नो माग पूरा नभए सम्म निरन्तर पसल बन्द गरेर विरोध गर्ने व्यवसायीहरुले बताएका छन् । साथै विरोध कार्यक्रममा उपभोक्ताहरुलाई सहभागी हुन सिन्धुली सुनचाँदी व्यवसायी संघ सिन्धुलीका अध्यक्ष विष्णु बिश्वकर्माले आग्रह गर्नुभएको ।
