सिन्धुली टाईम्स । सिन्धुली अपाङ्ग महिला संघले राष्ट्रिय कला संग्रहालय सिन्धुली कला घरलाई अपाङ्गमैत्री बनाउन माग गर्दै ध्यानाकर्षण पत्र बुझाएको छ । शनिबार कमलामाई नगरपालिकामा ३ चपौली स्थित रहेको राष्ट्रिय कला संग्रहालय सिन्धुली कला घर लाई अपाङ्गमैत्री बनाउन माग गर्दै ध्यानाकर्षण पत्र बुझाएको हो ।
निर्माणधिन राष्ट्रिय कला घर अपाङ्गतामैत्री रूपमा निर्माण हुनुपर्ने भन्दै सिन्धुली अपाङ्ग महिला सङ्घका अध्यक्ष दिल कुमारी देवकोटा (दिपा) ले राष्ट्रिय कला घरका अध्यक्ष सुमन थापालाई ध्यानाकर्षण पत्र बुझाउनु भएको छ ।
पर्यटकीय स्थल निर्माण भई रहँदा सार्वजनिक स्थलहरू सबै नेपाल सरकारको व्यवस्था अन्नुरुप हुनुपर्ने उहाँको भनाई छ । अपाङ्गता भएका व्यक्ति, ज्येष्ठ नागरिक, बालबालिका, गर्भवती लगायत दुर्घटनामा परेका व्यक्तिहरूका लागि पनि सहज र उपयुक्त संरचना बन्नु पर्ने र भौतिक संरचना तथा संचारसेवा निर्देशिका २०६९ अनुरूप संरचनाहरू निर्माण गर्न उहाँले आग्रह गरेका छन् ।
त्यस्तै सिन्धुली अपाङ्ग महिला सङ्घले कमलामाई नगरपालिका ३ का ४६ वर्षीय भीम बहादुर ठटाललाई ह्विलचियर र ट्याईलेट चियर हस्तान्तरण गरेको छ । लामो समयदेखि दुर्घटनामा परि हिँडडुल गर्न नसक्ने अवस्थामा रहनु भएका भीम बहादुरलाई ह्विलचियर र ट्याईलेट चियर हस्तान्तरण गरिएको सिन्धुली अपाङ्ग महिला सङ्घका अध्यक्ष दिल कुमारी देवकोटा (दिपा) ले जानकारी दिनु भयो ।
