सामसङ नेपालले ग्यालेक्सी एस–२५ अल्ट्रा, ग्यालेक्सी एस–२५ प्ल्स र ग्यालेक्सी एस–२५ अल्ट्रा स्मार्टफोनको प्रि–अर्डर शुरू भएको घोषणा गरेको छ ।
काठमाण्डौमा एक कार्यक्रमबीच सामसङ नेपालका निर्देशक प्रणय रत्न श्रेष्ठ र मिस नेपाल वल्र्ड २०१६ अश्मी श्रेष्ठले ग्यालेक्सी एस२५ सिरिजको अनावरण गरेका हुन् । आउँदो फागुन १ गतेसम्म एस–२५ सिरिजको प्रि–अर्डर गर्न सकिने कम्पनीले जनाएको छ ।
सामसङले एनएलजी इन्स्योरेन्स कम्पनी लिमिटेडमार्फत एक पटकको एक वर्षको ब्रेकेज इन्स्योरेन्स उपलब्ध गराएको छ । यसैगरी ग्यालेक्सी एस–२५ सिरिजमा अपग्रेड गर्न चाहने ग्राहकले सबकोफोन र आर्कोस्टोर मार्फत आफ्नो पुरानो फोन एक्सचेन्ज गर्न सक्नेछन् ।
देशभरका आधिकारिक सामसङ स्टोरहरूमा उपलब्ध हुलास फिनसर्भ हायर पर्चेज लिमिटेडद्वारा सञ्चालन गरिएको सामसङ इनस्टा फाइनान्स सेवा मार्फत ग्राहकहरूले रु ५२५०÷महिनादेखि शुरू हुने शून्य प्रतिशत ब्याजदरमा सरल ईएमआईमा नयाँ फोन प्राप्त गर्न सक्नेछन् । यो प्रक्रिया झन्झटरहित रहेको र यो सेवा प्राप्त गर्नका लागि प्रमाणपत्रका रूपमा नागरिकता मात्र आवश्यक पर्ने कम्पनीले जनाएको छ ।
