नेवा समुदायको नेपाल सम्बत् ११४५ न्हुदया भिन्तुना शुभकामना आदानप्रदान तथा प्रमाणपत्र वितरण कार्यक्रम सिन्धुलीमाढीमा सम्पन्न भएको छ । कार्यक्रम नेवाः देय् दवू÷नेवाः मिसा दवूका अध्यक्ष राज कुमार श्रेष्ठको अध्यक्षता तथा सिन्धुली क्षेत्र नम्बर २ का प्रतिनिधि सभा सदस्य राजन दाहालको प्रमुख आतिथ्यतामा सम्पन्न भएको हो ।
कार्यक्रममा सिन्धुली क्षेत्र नम्बर २ का प्रतिनिधि सभा सदस्य राजन दाहालले सम्बोधन गर्दै नेवारी भाषा हाम्रो इतिहास पहिचान हो यस्को संरक्षण गर्नुपर्ने र यो राष्ट्रको इतिहासको रुपमा रहेको बताउनु भयो । नेवारी भाषालाई नेपाल सरकारले पनि मान्यता दिनुपर्ने र दिर्दै आइरहेको बताए ।
त्यस्तै नेवाः देय् दवू/नेवाः मिसा दवू सिन्धुलीका अध्यक्ष राजकुमार श्रेष्ठले बोल्दै नेपाल सम्बत् र नेवारी सम्बत् एकदमै महत्वपूर्ण रहेको बताउदै हाम्रो संस्कृति राष्ट्रव्यापीको रुपमा रहेको उहाँले बताउनु भयो । त्यस्तै लोप हुन लागेको नेवारी भाषा संस्कृतिलाई बचाउने प्रयासमा लागि रहेको बताउनु भयो ।
