सिन्धुली । सिन्धुलीको गोलन्जोर गाउँपालिकाले जुनारको फल चुस्ने सुँडे मोथ पुतली समातेर मार्ने लाई २ रुपैयाँ दिने भएको छ । जुनार सुन्तला लाई सुँडे मोथ पुतली बाट जोगाइ क्षति न्यूनीकरण गर्ने उदेश्यले पुतली समातेर मार्ने कृषकलाई प्रोत्साहन गर्नको लागि गाउँपालिकाले प्रति पुतली २ रुपैयाँ दिने निर्णय गरेको हो ।
जुनार सुन्तला फलमा क्षती गर्ने सुँडे मोथ पुतली प्रकोपकै रूप देखापरेको र जुनार सुन्तला फल ब्यापक रुपमा क्षती भएकाले पुतली समात्ने र मार्ने उपाय निकालीएको हो । भदौ १५ गते गोलन्जोर गाउँपलिका ५ खनियाखर्कमा सुँडे मोथ पुतली रोकथाम तथा नियन्त्रण सम्बन्धी कृषक र वैज्ञानिक बिच अन्तरक्रिया कार्यक्रम बाट पुतली समात्ने र मार्ने निष्कर्ष निकालिएको थियो ।
सोहि अनुसार सुँडे मोथ पुतली समातेर मारेर सम्बन्धित वडा कार्यालयमा बुझाए प्रति पुतली २ रुपियाँ प्रोत्साहन दिने गोलन्जोर गाउँपालिकाले भदौ २० गते निर्णय गरेको गाउँपालिकाले जनाएको छ ।
