सिन्धुली, भदौ १०, २०८१ सोमबार । श्रीकृष्ण जन्माष्टमीको अवसरमा सिन्धुलीमा लाखेजात्रा तथा विभिन्न सांस्कृतिक कार्यक्रम प्रर्दशन गरिएको छ । गणेश भिमसेन मन्दिर व्यवस्थापन समितिको आयोजनामा जिल्लाका नेवार समुदायले लाखे जात्रा तथा सांस्कृतिक कार्यक्रमको आयोजना गरिएको हो ।
नेवार समुदायका परम्परा अनुसारको सांस्कृति पहिचान जोगाउनका लागि कार्यक्रमको आयोजना गरिएको लाखे नाचका संयोजक एवं नेवाः देय दवुका अध्यक्ष राजकुमार श्रेष्ठले बताउनु भयो । नेवारी संस्कृतिको संरक्षण गर्नका लागि नेवार समुदायले प्रत्येक वर्ष गाईजात्रा र कृष्ण जन्माष्टमीको अवसरमा, गाईजात्रा, लाखे नाच देखाउने गरिएको उहाँले बताउनुभयो ।
नेवार समुदायहरुले राधाकृष्ण र लाखे नाच, लठ्ठी नाच, धिमेबाजा, रोपाईं नाच लगायत नेवारी नृत्यहरु प्रस्तुत गरेका छन् । २ नम्बर बजार स्थित गणेश भिमसेन मन्दिर बाट सुरु गरिएको नेवारी बाजागाजाको समुह सहित, झाँकी तथा विभिन्न सांस्कृतिक कार्यक्रम सुरु भएको लाखेजात्रा तथा सांस्कृतिक कार्यक्रम २ नम्बर बजार, गैह्रि बजार, १ नम्बर बजार, स्टलबजार, बसपार्क, धुरा बजार हुँदै ढुंग्रेबासमा रहेको कृष्ण मन्दिरमा पुगेर समापन गरिएकोे छ ।
